Psalm 2, ‘n Konings Psalm!

Psalm 2

Dien die HERE soos Hy dit wil! Dit is ons tema van Sondag oggend se erediens! Die leiers van Israel kom in opstand teen die gesalfde van God! God self het hom daar geplaas! Die waarskuwing en opdrag word gegee aan die volk hoe hulle moet dien.Kom luister saam hoe ons die HERE moet dien!

 

In God kan ons altyd vertrou! Daniël 6

Daniël en die leeukuil is een van die bekendste dele in die Bybel! Daniël word beveel om nie te bid tot God nie MAAR vir Daniël is daar nie ‘n keuse nie! Die Heilige Gees lei vir Daniël om op God te vertrou! Kom luister saam met ons Sondag oggend oor hierdie wonderlike deel in die Bybel!

 

Daniël 6

Vrede is iets wat ons almal soek!

Vrede is iets wat ons almal soek! Maar hier in ons lewens en op aarde sukkel ons soms om die vrede raak te sien!
Die volkome vrede word aan ons gegee deur Christus! Hy bring vir ons die vrede deur die blye boodskap, die evangelie!
Ons kry ook deur Hom vrye toegang tot die Vader!

Laasweek se Diens(29/07/2018) op klank:

(2017 12 31 2e) Die groot Versekeraar se versekering Joel 2 v27 ♪

Versekering is deel van ons lewe. Wanneer misdaad of ‘n ramp jou tref, dien jy jou eis in. Die versekeraar vergoed jou vir jou verlies. Wanneer jy ‘n groot operasie moet ondergaan, maak jou mediese versekering dit vir jou moontlik. Die versekeraars spog graag oor hoe getrou en maklik hulle eise uitbetaal.

Ons ervaring is meestal anders. Soms kry ‘n mens die indruk dat die versekeraars ‘n verskoning soek om nie jou eis uit te betaal nie.

Joël vertel ons van ‘n vreemde Versekeraar. Die skade is nie deur ‘n derde party veroorsaak nie. Juis hierdie Versekeraar het sy volk skade aangedoen. Hy het die sprinkaanswerms gestuur wat alles wat groen is opgevreet het.

Die Versekeraar onderneem om wel die volk te vergoed. Hulle sal weer oorvloed hê. Hulle sal weet dat Hy as Versekeraar uniek is; dat Hy hulle God is; dat hulle daarom nooit weer in die skande sal kom nie. Ons tema vanaand: Die groot Versekeraar se versekering. Hierdie tema val uiteen in twee hoofdele: (1) die Here vergoed sy volk en (2) Die Here se doel met die vergoeding

Indien jy na die preek wil luister, kliek hieronder op die simbool  ►

Continue reading “(2017 12 31 2e) Die groot Versekeraar se versekering Joel 2 v27 ♪”